leilek.kg
Платформанын
катышуучусунун
каттоо формасы
» » АКТЕД эки инфраструктуралык объектте курулуш жумуштарын ийгиликтүү аяктады
14
декабрь
2016
0

АКТЕД эки инфраструктуралык объектте курулуш жумуштарын ийгиликтүү аяктады

Кыргыз Республикасындагы Швейцариянын Элчилиги тарабынан каржыланып ACTED эл аралык уюму тарабынан ишке ашырылып жаткан «Чек арада жайгашкан жамаатардын ортосундагы пикир келишпестиктердин алдын алуу үчүн биргелешип аракеттенүү (PACT) (2-пилоттук фаза) Лейлек районундагы жамааттардын биримдикке багытталган чогуу иш аракеттери» долбоорунун алкагында Сумбула айыл аймагынын тургундарынын катышуусунда 2016-жылдын июль айынан октябрь айына чейин төмөнкү эки инфраструктуралык объектте оңдоп-түзөө жана курулуш жумуштары ийгиликтүү аягына чыгарылды:


“Кыргызстандын Баткен областынын Лейлек районундагы Сумбула айыл аймагынын Сары-Дөбө айылындагы ирригациялык каналды реабилитациялоо”. Жергиликтүү калктын негизги киреше булагы жер иштетүү болгондуктан, сугат суу менен камсыздоо маселесин чечүү айыл калкы үчүн негизги көйгөйлөрдүн бири болуп келген. Аталган жумуштардын аткарылышынын натыйжасында дат басып, чирип, колдонууга жараксыз абалга келген металл суу түтүктөрү пластик түтүктөргө алмаштырылып, суу түтүктөрүнүн сел коркунучу орун алган бөлүктөрүнө атайын бекемдөөчү түркүктөр орнотулду. Жыйынтыгында эски суу түтүктөрүнүн дат басып тешилген бөлүктөрүнөн улам жоготууга учуроосу тыйылып, өзгөчө жай мезгилинде сугат суусунун тартыштыгы жоюлду.


- “Кыргызстантын Баткен областынын Лейлек районундагы Сумбула айылдык аймагына караштуу Көк-Таш айылындагы сугат суу каналы”. Сумбула айыл аймагынын Көк-Таш айылындагы Шагалдар суусунан суу менен камсыз кылуу тармагы көп бөлүктөрүнөн жарака кетип бузулгандыктан суу көп жоготууга учурап (баштапкы суу чыккан жерде агымы 30 л/с болсо акыркы суу бөлүштүрүү пунктуна 12л/с гана жетип турган) сугат мезгилинде суунун тартыштыгынан улам айылдыктарга көптөгөн көйгөлөрдү жаратып келген. Бул маселени чечүү максатында диаметри 200мм пластик түтүктөрүнөн турган суу тармагын куруу менен суунун коромжу болуусу тыйылды. Кыргыз Республикасындагы Швейцариянын Элчилигинин колдоосу астында, АКТЕД уюмунун, жергиликтүү коомчулуктун биргелешкен иш-аракеттеринин натыйжасында 4,0 миңден ашык адам жашаган Көк-Таш айылынын тургундарынын эң көйгөйлүү маселелеринин бири ийгиликтүү чечилди.


Кыргыз Республикасындагы Швейцариянын Элчилиги тарабынан каржыланып ACTED эл аралык уюму тарабынан ишке ашырылып жаткан «Чек арада жайгашкан жамаатардын ортосундагы пикир келишпестиктердин алдын алуу үчүн биргелешип аракеттенүү (PACT) (2-пилоттук фаза) Лейлек районундагы жамааттардын биримдикке багытталган чогуу ишаракеттери» долбоорунун алкагында Сумбула айыл аймагынын тургундарынын,  катышуусу менен2016-жылдын октябрь-ноябрь айларында Андарак айылында жайгашкан 1987-жылы колдонууга берилген №12 Үй-бүлөлүк дарыгерлер тобунун имаратын оңдоп-түзөө жумуштары аткарылды. Аткарылган жумуштардын натыйжасында имараттын жараксыз абалга келген чатыры толугу менен алмаштырылып, эски жыгач терезе блоктору жаңы пластик терезе блокторуна алмаштырылды, шондой эле имаратты ысык суу менен камсыздоо боюнча жумуштар аткарылды. Жумуштардын аткарылышына Андарак жана Искра айылдарынын тургундары катышып, имараттын эски чатырын, терезе блокторун демонтаждоо жумуштарын өз убагында аткарууга көмөк көрсөтүштү.


Кыргыз Республикасындагы Швейцариянын Элчилиги тарабынан каржыланып ACTED эл аралык уюму тарабынан ишке ашырылып жаткан «Чек арада жайгашкан жамаатардын ортосундагы пикир келишпестиктердин алдын алуу үчүн биргелешип аракеттенүү (PACT) (2-пилоттук фаза) Лейлек районундагы жамааттардын биримдикке багытталган чогуу иш аракеттери» долбоорунун алкагында Сумбула айыл аймагынын тургундарынын арасында калктын турмуш абалын жакшыртуу жана суу ресурстарын үнөмдүү пайдалануунун алдыңкы усулдарын жайылтуу максатында уюштурулган чакан социалдык долбоорлор сынагынын жыйынтыгында Искра айылынын тургуну Тойчубаев Кыдыралинин сунуштаган күнөскана (теплица) куруу боюнча долбоору жеңүүчү болуп табылды. Бүгүнкү күнгө күнөскананын курулуш жумуштары толугу менен аягына чыгып, алгачкы көчөттөр отургузулган. Күнөскананы курууда суу ресурстарын, жылуулукту үнөмдүү пайдалануунун жана өсүмдүктөрдү кароонун алдыңкы усулдары колдонулду.


Бул долбоордун ийгиликтүү жүзөгө ашуусу, айыл калкынын жашоо шартын жакшыртуу жаатында чарба жүргүзүүнүн заманбап усулдарын колдонуу менен өнүгүү үчүн колдо бар мүмкүнчүлүтөрдү туура колдоно билүүнүн үлгүсү боло алат.







скачать dle 11.1смотреть фильмы бесплатно
Пикир калтыруу
Введите код с картинки:*
Кликните на изображение чтобы обновить код, если он неразборчив
©2016, Баткен облустунун Лейлек районунун БӨУнын Онлайн платформасы
Бардык укуктар корголгон